"ÇİVNİNQ" NƏ DEMƏKDİR?

“Çivninq” sözü Birləşmiş Krallıqda nüfuzlu təqaüd sözünün sinonimidir.

Britaniya Çivninq Təqaüdləri proqramı 1983-cü ildə təsis edilib, daha sonra isə uzun müddət Böyük Britaniyanın Xarici İşlər Nazirliyinin Təqaüd və Mükafatlar Proqramı adı altında tanınıb. Proqramın adı 1994-cü ildə Duqlas Hörd, o vaxtkı Xarici İşlər Nazirliyinin Dövlət Katibinin şəxsi göstərişi ilə dəyişdirilmişdir. O, təqaüdün adını Xarici İşlər üzrə Katibliyin Kentdəki rəsmi iqamətgahı olan Çivninq Hausun adına dəyişməyə qərar vermişdir.

İqamətgah 1615-1630-cu illər arasında tikilib, zəngin kitabxana, qiymətli rəsm əsərləri, mebel və qobelenlər kolleksiyasına malikdir. Bütün bunlar iqamətgahın əvvəlki sahibləri, Stənhoup ailəsi tərəfindən xalqa hədiyyə edilmişdir.

TƏQAÜD MALİYYƏ CƏHƏTDƏN HANSI EHTİYACLARIMI ÖDƏYİR? AYRILAN VƏSAİT BİRLƏŞMİŞ KRALLIQDA YAŞAMAQ ÜÇÜN KİFAYƏTDIRMI?

Standard Çivninq təqaüdü aşağıdakı ehtiyacları ödəyir:

•Təqaüd/yaşayış xərcləri

•Təhsil haqqı

•Ekonom sinifdə gediş-gəliş bileti

•Gəlmə/getmə xərcləri

•Dissertasiya ilə bağlı xərclər

•Viza xərcləri

•IELTS test imtahanı xərcləri

ƏRİZƏNİN QƏBUL OLUNMASI KRİTERİYALARI NƏDİR?

Çivninq təqaüdləri üçün müsabiqə çox gərcin keçir və ancaq 25 nəfər müraciət edəndən biri müvəffəq olur. Müsabiqədə qalib çıxan tipik namizəd növbəti keyfiyyətlərə malik olur:

Ali təhsil müəssisəsinin məzunu olmalı.
Birləşmiş Krallıqda əldə etdiyi bilik və bacarıqlarını ölkəsinə qayıdaraq burada sosial-iqtisadi inkişafa töhvə vermək istəyində olmalı.
Ən azından 3 il iş təcrübəsi olmalı, həmin sahədə müəyyən uğurlar əldə etməli və lider olmaq potensialını göstərməyi bacarmalıdır. Çivniq təqaüdçüləri adətən 25 – 35 yaş arasında olur.
Uzun müddət ərzində Azərbaycandan xaricdə yaşayıb və təhsil almamış şəxs olmalı.
Müsahibə zamanı alacağı təqaüddən faydalanaraq seçdiyi peşə sahəsində uğur qazana biləcəyinə imkan verəcək şəxsi keyfiyyətlərə malik olduğunu göstərməyi bacarmalı.
Ölkəsinə qayıtdıqdan sonra təqaüdünün həmin ölkəyə nə kimi fayda verə biləcəyi haqqında aydın anlayışı olmalı.
İngilis dilini yaxşı bilməli, çünki Birləşmiş Krallığın bir çox Ali Təhsil Müəssisələri magistr dərəcəsi üçün ən azından 6,5 İELTS balı tələb edir.

ÇİVNİNQ TƏQAÜDÜ İLƏ HANSI KURSLARI ÖYRƏNƏ BİLƏRƏM?

Biz bakalavr dərəcəsini maliyyələşdirmirik və PhD (Fəlsəfə doktoru) və MPhil (Fəlsəfə magistrı) proqramlarını nəzərdən keçirmirik. Biz aşağıdakı ixtisaslarda ali təhsil almış tələbələrə xüsusi maraq göstəririk:

Politologiya və Beynəlxalq Əlaqələr
İnsan haqları və Beynəlxalq Hüquq
İqtisadiyyat
Energetika
Jurnalistika və Mətbuat
İdarəçilik
Ətraf Mühtin Öyrənilməsi
Miqrasiya

Digər sahələrlə maraqlanan namizədlər də nəzərdən keçiriləgcək, lakin yuxarıda göstərilən mövzularda kursları öyrənə biləcək ali təhsilli mütəxəssislərə üstünlük veriləcək.

MƏNİM 3 İL İŞ TƏCRÜBƏM VARSA, LAKİN HƏLƏ 4-CÜ KURS TƏLƏBƏSİYƏMSƏ, MÜRACİƏT EDƏ BİLƏRƏM?

Xeyr. Biz namizədlərdən ərizəni təqdim edərkən artıq bakalavr təhsilini tamamlamasını və 3 il iş təcrübəsi olmasını tələb edirik.

BİRLƏŞMİŞ KRALLIĞIN XARİCİNDƏ TƏHSİL ALA BİLƏRƏM?

Xeyr. Çivninq təqaüdü ancaq Birləşmiş Krallığın daxilində təhsil almaq üçün verilir.

AİLƏMİ TƏHSİL ALDIĞIM MÜDDƏTDƏ BRİTANİYAYA GƏTİRƏ BİLƏRƏM?

Təhsil aldığınız müddətdə ailə üzvlərinizi Birləşmiş Krallığa gətirməməyinizi təkidlə məsləhət görürük. Vaxtınızın çoxu ixtisasınızı artırmaq üçün oxuyaraq keçəcək. Tədris mövsümü çox gərgin keçir və bütün diqqətinizi buna yönəltməniz vacibdir.

Çivninq təqaüdləri subay adamlar üçün təşkil olunub və həyat yoldaşınız, uşaqlarınız və başqə yaxınlar üçün əlavə ödənişlər nəzərdə tutulmayıb. Verdiyimiz məvacib sizə Britaniyalı subay tələbənin həyat səviyyəsində yaşamaq imkanı vermək üçün hesablanıb.

TƏHSİLİM BAŞA ÇATDIQDA MÜVƏQQƏTİ OLARAQ BRİTANİYADA İŞLƏYƏ BİLƏRƏM?

Xeyr. Bir çox təqaüdçünün evə qayıtmazdan əvvəl qısa fasilə götürməsi və ya məzuniyyət mərasimində iştirak etməsinə baxmayaraq, nəzərdə tutulur ki, Çivninq təqaüdçüləri Britaniyada əldə etdikləri bilik və bacarıqları ölkələrinin inkişafına yardım üçün istifadə edəcəklər. Təqaüdlərini qəbul etməklə Çivninq təqaüdçüləri proqram başa çatdıqda geriyə qayıtmağa razı olurlar.

IELTS TESTİ NƏDİR VƏ MƏN BU TESTDƏN KEÇMƏK ÜÇÜN NƏ ETMƏLİYƏM?

IELTS Beynəlxalq İngilis Dili Test Sistemidir (International English Language Testing System). İlk mərhələni keçmiş bütün namizədlər bizim hesabımıza IELTS imtahanı verəcək. Proqramın şərtlərinə əsasən namizədlər IELTS imtahanının akademik modulundan ən azı 6.5 bal toplamalıdırlar.

ƏRİZƏ FORMASI İLƏ BİRLİKDƏ HANSI SƏNƏDLƏRİ VERMƏLİYƏM?

Onlayn ərizə formasını burada doldura bilərsiniz. Ərizələrin son qəbul tarixi 01 mart 2011-cİ il, saat 17.00-yə qədərdir. İlkin mərhələni keçən namizədlərdən müsahibədən əvvəl 2 rəy məktubu təqdim olunması xahiş ediləcək.